ترهات من وحي الدخان

قبل يومين فقط شب حريق في البناية التي لا يفصلنا عنها سوى الحديقة و بناية أخرى , أستطعت أن أرى النار و الأدخنة من نافذة المنزل كان الأمر قريبا جدا لدرجة أنك لاتحتاج أكثر من نافذة المنزل فقط لتراه .. يا الهي كيف لو كان أقرب . تكاد تلمس ذعر سكان الطوابق العليا و هم محاصرون بالأدخنة و تكاد تضع يديك على شئ من الخراب , شكرا لله لم يصب أحد بأذى

سبق و رأيت حوادث مرٌة ذهبت فيها أرواح غير أني لا أعرف بماذا أشعرني هذا الحريق ربما لأنه في بيت والبشر تأمن في منازلها .. و ربما لأن البيوت ترمز إلى الحياة و الحرائق ترمز إلى الخراب . ماذا عن الناس التي تحيا و تعيش في خرائب و لاتملك شئ حيال ظروفها و ماذا أيضا عن فلسطين و الذين يعيشون فيها .. عندما يكون الدمار شئ عادي يستهلونه أغلب الأيام ولا يملكون شيئا حيال الحرب

ثرثرة شخصية

بحب في محمد الطريقة اللي بيتكلم بيها على لبنى بحس اني بشوفها في عينيه . و بحب في تامر اد كده بيبقى واخد باله من سالي حتى و هو بيتكلم و مركز في حاجة بتبقى بردة دماغو معاها . بحب في أحمد احترامه لأمل حتى و هم متخانقين بيتكلموا عادي قدام الناس ومهما اختلف معاها بيحترمها وبيناقشها بعدين . و الله بجد على عبد الرحيم رقته وجنتلته مع وردة بيكون هيشيلها شيل و بيحسب حساب الهمسة لتيجي تضايقها . كلو و خوف عمر على عليا .. شايلها شيل الصبح يكلمها فطرتي يا حبيبتي وحياتي لأ كده مينفعش و بليل يكلمها خدتي الدوا و يحكيلها حدوتة . الجميل في حسام المفآجات الصغيرة اللي بيرتبها لريهام .. ورق صغير فيه كلام يجنن تحت المخدة و في علبة الخواتم بتاعتها . اللي بعشقه في خالد رغم أن الشغل بتاعه صعب و عملي جدا لكنه دايما يحكي لداليا شغله و المشاكل اللي بيقابلها و جديد العملا و السوق وايه الأفكار والدنيا . وبحترم في على أنو عارف اد ايه شيماء مرتبطة بهوايتها عشان كده بيسيبلها وقت تكون فيه لنفسها و ياخد باله هو من البيت و البيبى و أوقات يحاول يشاركها من غير ما يخنق خصوصيتها . بحب في حاتم الفسح اللي بيفسحها لرضوى وأكتر حاجة بتبهرني في هشام البصة اللي بيبصها لدينا حتى لو وسط الناس ياربيييييييييييي بحس أنو حضنها و باسها و طبطب عليها و ... بس في البصة ديه حاجة كده قشعرة . بعشق في و ائل لما يعرف أن سالي زعلانة يقوم واخدها من ايدها و يقعدها ادام التسريحة .. يسرحلها شعرها و يحطلها مانيكير . لكن أكتر حاجة أحبها في لؤي تاتش الرومانسية من و قت للتاني أوقات يكون هيموت ويشوف حنان وتطلع في دماغه يشوفها دلوقتي مش بفيديو كول والكلام ده يقوم طالع مخبط على بابها و زي ما تيجي تيجي هي بتبقى دقيقة مسروقة من الوقت سرقة بس بتشقلب كيان البنت . أجمل حاجة في عمر أنو بيصحي هند لصلاة الفجر ويقعد يقرا قرآن معاها و يفكرها بدعاء الصبح . الحاجة اللي مخلياني أحب هيثم و دايمافي عينيا كبير .. المسئولية . الولد ده عارف يعني ايه يكون راجل وازاي يخلي الست اللي معاه ست ومدي نور احساس بالاستقرار ... صفات وهمية - لرجال وهميين وردوا هنا - هي من و حي التفاؤل أو من وحي السخرية أو من وحي واقع ربما أحياه في القريب